بحب واحد ومرتبطين بقالنا حوالى ٧ شهور وهو مفهمنى انى كل حاجة ف حياتة وعوض ربنا لية وكل الكلام الحلو قالة.
وبعدين فجاة نبقا بنتكلم عادى الاقية زعل جدا من كلمة تافهة قولتها وسط الكلام ويعمل حوار كبير ويعملى بلوك وبعدين يفضل مختفى اسبوع او اسبوعين ويشيل البلوك ويرجع يتكلم ونتصالح

مع العلم ان هو جارى ودايما كل اما اشوفة الاقية بيتكلم ف الفون وممكن المكالمة مدتها تبقا ساعة ولما اسالة لية بتتكلم كتير يقول اصحابة وقرايبة، وانا اتخنقت من العلاقة دى وحاسة ان فى حد تانى وكل اما تحصل مشكلة يقولى انتى بتشكى فيا انا معتش قادر استحمل الطريقة دى ويزعل ويتقمص ويعمل بلوك، مع العلم بردو ان ماضية مش كويس خالص وهو نفسة اعترفلى انو عمل كل حاجة وحشة

هو دلوقتى شال البلوك بعد اسبوعين وهيكلمنى قريب وهيعوز نرجع وانا مش عارفة ارجع ولا مرجعش

ومش متاكدة هو بيسيبنى تلكيك ولا فعلا بيبقا زعلان بس كل ال شوفتة من كلامة واحنا مع بعض حب لياا بطريقة محدش حبنى بيها انا دلوقتى ف مرحلة انى مش عارفة احدد دا بيحبنى بجد ولا مبيحبنيش

هو خلى مامتة تكلمنى وهو داخل جد من كلامة والمفروض انو مستني شغل وهيتقدم بس كل شوية يقولى الشغل هيبدا ف نص الشهر وممكن يعدى شهرين يقولى والله يقلبي لسة الراجل مكلمنيش انا شكلى هشوف شغل تانى وبقالنا سبع شهور ع الموال دا

انا عارفة انى طولت بس ياريت اى حد يشوف المسدج دى ويقدر يفيدنى يتكلم ❤