بحب واحد بقالنا ست سنين هو من محافظه وانا من محافظه تانية اتقابلنا صدفه في فرح صاحبتي و شوفنا بعض من وقتها مرتين.
كل كلامنا سوشيال حبينا بعض قوي و فاتح أهله في موضوع الارتباط كتير و رافضين بعده عنهم و كذلك أمي رافضه اني أسافر و اعيش هناك عنده لظروف وفاة والدي و كمان بنتها الوحيده.
مش عارف يقنع أهله بالكلام ده و لحد دلوقت انا برفض اي حد بيتقدم أيا كانت امكانياته.
أعمل ايه مع العلم انه قبل كده مشاعره كانت أقل بكتير من دلوقت،، فكرة تمسكي بيه و بكل اللي بيننا قواه و قوى الحب بيننا.
هل افضل مكمله لحد ما حد من أهالينا نقدر نقنعه؟
ولا أوافق ع اي حد متقدملي؟ مع العلم مؤخرا متقدملي حد اهلي شايفينه كويس جدا و انا رافضه
محتاجه رأيكم
تعقيب من صاحبة السؤال:
المشكله الموضوع صعب مع أهله أكتر من ما هو مع اهلي هو مش عارف يقنعهم ازاي و انا بشوفه بيتعذب بسبب ده و بسبب انه مش عارف يقنعهم و مش قادر اني اكون لحد تاني ، لما عرف موضوع الشخص اللي متقدم كلمهم تاني و بردو ع رأيهم بيقولوا روح اتجوز و ابعد عننا يلا كلام حقيقي يوجع و حاسس انه كده بيعصاهم حاسه ان دماغي وقفت عن التفكير ومش لاقية مخرج من الزنقه دي وانا هموت لو كنت لحد تاتي بجد
بصي هو انا زايك بالظبط لحد ما راحوا خطبوني وقراءوا الفاتحه من غير ما اعرف واتفجاءت في يوم انهم جيبين المؤزون يكتبوا كتب الكتاب
حاولوا باي طريقه انكوا تكونوا مع بعض والله الفرق وانك تكوني مع حد غيره مش سهله دي موت بابطئ مهما كان كويس معاكي برضه هتفضلي شايفه حبيبك قدمك هو الموضوع صعب انا عارفه والله وحاسه بيكي بس حاولوا تاني انا لحد الواقتي مش مسامحه حد وبقول عليهم حسبي الله ونعم الوكيل بسبب الوجع والكسره الي انا عايشه فيها?