انا قصتي انني تعرفت على شاب على النت و بقالنا اكتر من شهر بنتكلم عادي و هو شاب محترم خالص معايا. و لكن في بنت لا اعرفها كتبت لي رسائل انها تعرف الشخص دا و تعرفت عليه من النت و بتحذرني منه بتقولي انه بيضحك علي زي ما ضحك عليها و انه شاب مش كويس و كدا. انا محتارة من الكلام دا عشان كنت معجبة بيه و انا لسه ما جبتش سيرة. هل اصدقها و هل اقوله على ما حصل؟
شارك
لا يوجد دخان من غير نار…
الأمر مريب و لكن يجب عليك التأكد.
١- هل اعطتك دليل يجعلك متأكدة من كلامها؟
٢- نعم صارحيه و قولي ما حصل و شوفي ردت فعله
و احذري من التعرف على الانترنت لان هناك اشخاص يخفون نواياهم الحقيقية و هناك قصص كثيرة عن وجود مخادعين في الانترنت.
حكمي عقلك و ليس قلبك و انت تفكرين في اتخاذ القرار في هذا الموضوع. الأمر مريب و عليك التأكد من أنه شخص موثوق فيه و انا ارى ان من الافضل لك الابتعاد عن المشاكل هذه من البداية
بلاش تتعرفي علي اشخاص من الإنترنت محدش بيبان علي حقيقته ومش هتقدري تعرفي اخلاقه وشخصيته من النت كله بيبقي لابس قناع ومش هتقدري تعرفي غرضه منك بسهوله ابعدي عن سكة النت احسن معظم اللي اتعرف بيها ندم
انا ضد مبدأ اتخاذ حكم مسبق عن شخص بسبب كلام حد لان مش بالضرورة مشاعره تجاهها نفس مشاعره تجاهك يمكن كان بيتسلى بيها فعلا بس بيحبك انتي مش شرط حتى ممكن يكون كان بيعاملها عادي كصديقة بس هي فهمت غلط وكانت بتحبه ومعتبره انه هو كدا ضحك عليها مع ان هو ممكن يكون مقالهاش بحبك اصلا وف نفس الوقت عايزاكي متتعشميش اوي لان ع حسب كلامك علاقتكو مجرد صداقة ومفيش حاجة واضحة بينكو ممكن يكون sweet talker وبيتكلم مع كله كدا ويكون معتبرك صديقة بس وانتي زي مانتي قولتي معجبة بيه فخلي بالك