بصي انا عرفت واحد بالصدفه م جروب الجامعه قبل ماادخل الجامعه ومعرفش ايه اللي حصل فجأه لقيتني بعمل اسكرين لاكونته وقفلت وبعدعا بشهر لقيتني بكلمه وبساله ع حاجات ف الجامعه وهو لايعرفني ولا انا اعرفه ولا حتي فريند عندي، وهو جاوبني وسكتنا.

لما روحت الجامعه في أول يوم سأل عني بس في وقتها عرفت انه مرتبط ومعرف الكل فطبعا قلت كدا انتهت وخلاص،وتاني يوم شوفته وبصلي جامد وحسيت وقتها ان قلبي هيتخلع كنت بشوفه دايما في الجامعه وفي السكن كان بيحاول دايما يظهر نفسه قدامي او يفتح كلام غير مباشر وانا مكنتش فاهمه دا غير لما صحابنا هم اللي يلمحولي بدا.

وقت ماكنت اتعب مكنش بيقولي الف سلامه مع انه كان عارف بس بعدها عرفت انه كان بيعرف ويروح يكلم صاحبتي لانها بعيده عني ف المسافه ويقولها اني تعبانه وروحيلها ، اول مره تعبت كان حواليا لدرجة انه علي الارض جنبي وكان خايف اوي، جبت رقمه ورنيت وفضلت ساكته وهو يقولي طب انتي مين وانا مش بنطق لحد ماحسيت انه زهق فقفلت وكتبتله رساله انا اسفه علي ازعاجك بعدها رن وحسيت انه عارفني وفضل يتكلم كتير ويهزر ويقولي علي صفات فيا وحاجات تعرفني انه عارفني،وبعدها قفلت ومتكلمتش كان دايما بيقول انا مش عارف ليه حاسسها بتهرب مني وانا محتاج اقعد معاها وطبعا انا من خوفي عملتله بلوك، وكنت اشوفه اجري وهو كان يبتسم ويكح بس.

وبعدها كنت محتاجه مساعدته في ماده لانه شاطر فيها ومكنش فيه بينا اي كلام خالص ،رنيت فجأه وكان بيذاكر ورحب انه يشرحها وانا داخله وكله طبعا بيبصلي لاني البنت الجديده وهو كانت عيونه مش بتتشال عني ولسه بسحب كرسي لقيته ساحب اللي جنبه ومقعدني جنبه ،المسافه اللي كانت بينا كانت مخليه قلبي بيدق بسرعه رهيبه وفجأه سيبنا كل حاجه وفضل يبصلي ويحكيلي عن نفسه وانا اذاكر وهو جنبي تقريبا قعدنا 6ساعات وبعدها رجعما سوا وطبعا الكل لاحظ دا،،

بعدها بفتره احسه مرتين يبعد ومره يقرب اوي من غير سبب وخصوصاً انه بقي عندي واتساب كان متحفظ معايا في الشات حتي كنا بنبعت ورد وبنخاف نبعت قلب اصفر حتي ، بعدها حصلت مشاكل بسبب الناس وكلمته اتاكد هو قال كدا ولالا وقالي ان لازم نقعد وقعدنا تقريباً فوق ال7ساعات بصين لبعض وبنتكلم ووقتها كنت بحسه بيتلاشي يبص لعيني وفضل يقولي ان حلوه وجمالي ملفت وهنا باصينلي وانه دايما يدافع عني، ويتكلم عن الناس اللي بيحبها وبيكرهها فاتكلمت انا عن حبيبته لدرجة انه اتصدم وحاول يعمل من بنها وتقريبا لما ملقاش مفر قالي كل تفاصيلهم وكل قاعده بينا كان بيحكي تفصيله جديده اسمها وسنه وحياتها وانها هي اللي بدات وقالتله وان دا مكنش في باله وشويه ويقولي وانا بحبهاا بس هي متعبه وشويه يقولي فقدت الشغف ومش بنتكلم اصلا وشويه يقولي سيبنا ورجعنا وراني اكونت حتي وراني رساله كانت بعتهاله في اول قعده بينا ومرضاش يرد عليها.

كل قعدتنا سوا كانت بتعدي ال7ساعات ، جه اليوم الموعود بعد شهور من تعارفنا وكان عامل معايا حركه كويسه فحبيت اشكره وفعلا ناديتله وحسيته مش عاوز يمشي وبيطول وشويه وقالي هجيب الفون وانا سندت ضهري اول ماجه قالي طب دقيقه بقي وهوب لقيته جاب كرسيين وقعدني وجاب بسكوت وانا مصدومه وبدأ بعامله ايه مع اننا كنا واقفين قبلها ساعتين بنتكلم وفجأه لقيته بيقولي عاوز أسألك سؤال انتي ليه بتعامليني كدا وليه رنيتي وليه دايما مصدقاني وانا متنحه وقلبي بيدق ولقوله ازاي مش فاهمه وبحاول اغير الموضوع عن حبيبته، لحد ماقلتله انه الوحيد اللي بثق فيه هنا قالي علشان كدا بحسك بتقدريني ،بشوف في عنيكي نظره ليا كأني واحد عظيم اول مره حد يبصهالي ،طب قليلي ليه وانا بهرب وهو يبصلي اكتر ويسبل وفي الليله دي عيطت قدامه بس مقولتش اي حاجه ،للأسف كل حاجه كانت واضحه ،،اللي قلته انت بتسأل ليه مفيش حاجه هتتغير ولا اللي هقوله هيفيد، قالي ان محدش عارف فين مستقبله يعني ممكن اكون بحب شخص واوي بس ميكنش ليا واخد شخص تاني خالص وكلام من دا كتير وكان قريب مني لدرجة اني لما انزل دماغي وانا بمسح دموعي وارفعها احس ان هخبط في وشه،

اليوم دا عدي ودخلت قلبي هيتخلع بس تخيلي بعدها حتي متحركليش خطوه مفهمتش عاوز ايه، قلت خلاص ارجع تاني عادي ومنتكلمش وفعلا يومين واول ماشوفته هربت بعيني ودخلت الشقه ، وجيت بالليل طلعت اذاكر وهو طلع ورايا فاول ماشوفته عملت بذاكر لقيته بيقول ايه دا كأنها شافت عفريت وضحك، وطبعا مش محتاجه اقلك انه كان عاملي اراجوز وبيحاول يكلمني وقعد ورايا وبيوجهلي كلام في المذاكره غير مباشر واخد مني قلم وفضل يقولي هتفضلي كدا كتير وهتهربي تاني وانا عامله9هبله ولما لقيته هيسبل تاني قلتله اوعي تديقلي عينك والنبي علشان مش هستحمل قام ضحك واتكسف وسكت،

بعدها كان بيحاول ان اي حد يدخل ويبصلي كان بيفضل يكلمني قدامه ويهزر معايا وياخد مني بسكوت وانا متنحه لانه كان اصلا تقيل عليا ودايما مبيحبش يتعامل معايا قدامهم،واتكررت المواقف ان اكون زعلانه فيقعد جنبي ويسألني ويبعتلي اغاني حتي مره قالي اهو دلوقت هيتلموا علشان انا معاكي بس برده مش هاممني، اتخانقنا كتير وفاكره مره عيطت وخرجت فضل يرن عليا وقالي ارجعي واتاسفلي واللي بعدخا نفس النظام ورغم ده كله كنت بحسه جامد كعايا لان الحركات دي كان بيعملها مره كل اسبوعين مثلا، مره اتخانقنا9جامد وزعق وانا عيطت وتاني يوم كتبت علي الواتساب move on, رد عليها وقالي مش المفروض لما اكلمك تردي اتخضيت لانه كان اول مره يربلاي علي ستوري+ انه الصبح قبل الستوري دي حسيت لما شافني انه مش طايقني وقال انه بس كان خ، بعدها كان بيغير من اي حد يكلمني لدرجة اني عرفت الايام دي انه كان بيبعدهم عني ويقلهم ابعدوا عنها دي بتاعة مشاكل او دلوعه او اي حاجه، ولما يقولوله مانت بتتكلم معاها مبينطقش ، خرجنا كذا مره في جروب ولما كنا نرجع كنا بنكون لوحدنا وعمري ماانسي لما قالي اتبسطتي قلتله اه ،قالي خليكي دايما معايا وهنتبسط دايما انا اللي معايا دايما كسبان وابتسم،ولما كنت احسه زعلان وقاعد لوحده كنت بروح نحيته واطلع الكلام منه ونفضل نحكي ل8الصبح وطبعا الكل كان مستغرب ومتدايق مننا.

كنت عارفاه من كحته وصوت مشيته والله ،وهو عرف دا ولقيته تلقائي بيقولي كمان مشاءالله!
وبعدها عرفت انه عارف الوان بناطيلي والسليبر بتاعي ،غير حاجات كتير علي حسي منها مكان مذاكرته وانا طبعا مكنتش فاهمه غير لما صحلبه قالولي كان بيستناني اخلص وبعدها ينزل ورايا ، مكنش بيحضر ايفنتات بقي بيحضرهم كل اللي بحضره ،مكنش قريب من البنات فجأه قرب منهم لانهم معايا وبدأ يوصل لتفاصيلي ، وانا كل دا وبحسبه بيتقل وانا زي الهبله هموت،، لحد مااخدت اجازه وبعدت عنه اول أسبوعين كنا بنتكلم كويس وكان معايا حتي انه بدأ تاني يحكي عن حبيبته وانا كنت بسمع ،لحد ماواحده وقعت بينا وقالتله اني بخليها تشوف شاتنا واني بقول انه بيحبني وكلام كتير فشخ وطبعاً والله ماقلته كل حاجه كانت واضحه قدامهم وهي استغلتها، فجأه شوفت منه رد فعل غريب وكان باين انه مصدقها وشويه احسه بيملي انا، بس للاسف اتخانقنا ولغي اي رابط بينا فيس وانستا والاسك اللي كان عامله علشاني مسحه وفضل بس الواتساب استغربت ليه محذفش الرقم ، المهم تاني يوم رنيتله وقال رد وجعني: انا بعد كدا هعاملك زي باقي البنات،! لحد ماشوفته تاني ‘كان باين انه موجوع وزهقان لدرجة انه كان ماشي يحكي للكل اننا متخانقين وقالوا انه متأثر ، وفيه منهم اللي قالي انه غلط في حقي في الفتره دي وقال كلام وحش قلل مني يعني وانا من الصدمه تجنبته وكنت بموت وفعلا طلع منهم كلام صح، وهو كان بيحاول يعاندني ويبين نفسه قدامي ، ولو شافني في مكان يهبد بابه او يبص بصه وحشه، لحد ماطلبوا مننا نتصالح ونتواجه.

وفعلا اتواجهنا وطلعت صادقه في كل حرف وللأسف كان شكله وحش قدامي ومفيش اي مبرر للي عمله غير انه بيقول انهم اللي لعبوا في دماغه وكلام من دا وبعدنا اكتشفت كلام وواجهته وهو انكر وكدب صحابهوفجاه انفجر وزعق وانا عيطت ومشيت وفضل يدور عليا وجالي مخضوض وانا مستخبيه في اصحابي ومش عاوزه اشوفه ويحاول يمسكني ويهديني وانا ازعق واشتم واخدني لمكان هادي ويحاول يبصلي وانا مش بتكلم وفضلت اعيط وفضل يتأسف ويبرر ودمع ويهزر ويضحك لحد مامسك ايدي فوق الربع ساعه وانا قلبي هيتخلع ومتنحلي،ويقولي انا عارف انك اخر واحده هتفكري فيا وحش وهتكهريني بلاش كلامك الجارح وحاول يفضل جنبي بس كانوا بيبعدوه، بعدها كان ماشي إجازته حسيت اني مش هقدر مكلمهوش وكلمته بس فون لان كنت مبلكاه واديته مصحف وحطيته بايدي في شنطته ولقيته بيمد ايده وبيسلم ومشي ومتكلمناش تاني لاني ملغتش البلوك وهو محاولش يسأل.

لحد مابقيتش قادره ولغيت الواتس ورديت علي ستوري ليه وساعتها كان بارد محستهوش اصلا اندهش واتكلمنا شويه ويوم عيد ميلادي عايدني وكان اول مره يبعتلي قلوب وبرده اتخانقنا تاني ف الغيد وانا اللي كنت متعصبه وهو فضل يبررلي لدرجة انه حطلي ستوري لوحدي انا، بعدها العلاقه بدات تختفي تاني وهو اللي بيقلل حتي ردوده عليا فضلت خفيفه ويمكن منعدمه لحد مادخل ردلي علي ستوري وقالي حمدالله علي سلامتك وبعدها قفلنا كلام ،رد تاني وفتح كلام فسألته كان متغير ليه فكلمني انه بيحاول يبعد عن الكل وعاوز يرتاح منهم وفضل يحكى رهزرنا وسمعته اغنيه وقالي انه لو قفل واتساب انا مقلقش لانه هيعرف يوصلي ويتطمن عليا ساعتها حسيت انه رجع تاني، فجاه اتغير وتاتي ولما كلمته وبساله في ماده معينه رده كان سخيف وبارد مع انه كان ممكن يبين الاهتمام وقفلنا الكلام بقلوب، واسبوع واحد ومعدتش بيشوف ستوريهاتي بس انا بشوف ستوريهاته و10ايام كدا ورجع يشوفهم حبه وبقي يشوفهميوم ته ويوم لا،

والعيد اللي فات لقيته كاتب في ستوري نفس المعايده اللي بيكتبها في الشات فعرفت انه مش هيقولي وفعلا زي مايكون حاططها ليا والدليل انه عايد كل صحابنا المشتركين ،وطبعا كانت صدمة حياتي ،ليه وايه اللي حصل فجأه سايبني تايهه ،المهم بعتله علي صراحه حاجه زي عتاب ومكنتش متوقعه اصلا انه يرد عليها لانه عمره ماعملها ولا دا طبعه ورد بمشفاهم وانت مين ومتتكسفش مني ولو فيه مشكله هنحلها رابتديت ارد عليها ،والليله دي كانت صراحه بس وطبعأ من الكلام كان باين انه مهتم وقال ان لو عرفته انا مين محدش هيعرف وانه مستحيل يأذيني وسكتنا ،وكنت خفياه من ستوريهاتي خليته يرجع يشوفها ولا كان انا اصلا،

ومن يومين واحد صاحبنا بيساله مين شاغلك علي صراحه قاله انه ميعرفش مين بس هو اكيد حد من زمايلنا وعارف تفاصيله وبدا يحكيله علي الرسايل اللي كان شاطب عليها، واتصدمت اللي هو دا وعدك ان اللي بينا مش هيخرج لدرجة ان الولد دا قاله انا شاكك في…. وقاله اسم البنت اللي وقعت بينا، قاله انا كمان شكيت في الاول بس مظنش ،قاله امال مين ، وقاله ممكن وقال اسمي ، قاله مش عارف، هم برده جم في دماغي وفضلوا يتناقشوا وانا مصدومه وزعلانه اوي للدراجادي تفاصيلنا رخيصه علشان تحكيها! طبعا يوم عملتله بلوك واتس وهو معمله اصلا فيس ومش عندي انستا لانه كان لاغيه،مع انه هو اللي باعتلي في اول مره قعدنا وقالي مش الناس شاكين فين خليهم يشكوا اكتر وضحك، وكان باين انه مش بيعمل لكلامهم حساب، بس بعد كدا بدأ يعمله وببعد ويقرب، وانا تايهه دلوقت مابين اكلمه وافهم كل دا كان ليه وسبب التغيير والخوف انه يقرب مني وان اقله اني عاوزه اشوفك لانه قدامي بيطلع كل حاجه جواه ،وبين كرامتي وخوفي من رد فعله ووجع قلبي، مش عارفه اعمل حتي صحابي مقسومين ومش عارفه اخد قرار

بلس ان الان تعبانه واكيد هو عارف م صحابنا عالانستا.. وكمان بيلاحظ جزء م ستوريهاتي ع الواتساب.. بس لاول مره حتي مايقولي مالك الموضوع مش طبيعي ومتعمد وفيه حاجه غريبه لانه حتي لو ف وقت مش طايقني عمره ماعمل كدا